Nobatdaky klublaýyn dünýä çempionaty 2023-nji ýylyň 1 ― 11-nji fewraly aralygynda Marokkoda geçiriler. Bu barada FIFA-nyň resmi saýty habar berdi.
Oňa alty yklymyň iň güýçli toparlary we Marokkonyň häzirki çempiony gatnaşar. Şeýlelikde, ýaryş ýedi toparyň ― «Real Madridiň» (Ispaniýa), «Flamengonyň» (Braziliýa), «Al-Hilalyň» (Saud Arabystany), «Al-Ahliniň» (Müsür), «Oklend Siti» (Täze Zelandiýa), «Sietl Saunders» (ABŞ) we «Widadyň» (Marokko) arasynda geçiriler.
Bu ýaryş her ýyl geçirilýär we onuň netijesinde dünýäniň iň güýçli futbol kluby kesgitlenilýär. Geçen dünýä çempionaty tamamlanyp barýan ýylyň 3 ― 12-nji fewraly aralygynda Birleşen Arap Emirliklerinde geçirilip, Angliýanyň «Çelsi» toparynyň çempionlyyg bilen tamamlanypdy.
