Girmek
11 – 14-nji oktýabr aralagynda Türkmenistanyň Daşary işler ministrliginiň Halkara gatnaşyklary institutynda Ýewropada Howpsuzlyk we Hyzmatdaşlyk Guramasynyň Aşgabatdaky Merkeziniň guramagynda sanly žurnalistika ugrundan syýasy kommunikasiýa temasy boýunça okuw maslahaty geçirildi.
Okuw maslahatyna Magtymguly adyndaky Türkmen döwlet uniwersitetiniň, Halkara ynsanperwer ylymlary we ösüş uniwersitetiniň we Türkmenistanyň Daşary işler ministrliginiň Halkara gatnaşyklary institutynyň mugallymlary hem-de talyplary gatnaşdylar. Sanly wideoargatnaşyk arkaly geçirilen maslahatyň dowamynda edilen çykyşlarda žurnalistika hünäri boýunça bilim alýan talyplaryň ukyp-başarnyklaryny ýokarlandyrmaga ýardam etjek maglumatlar paýlaşyldy, şeýle-de özara sowal-jogap alşyldy.
4 gün dowam eden okuw maslahatynyň ahyrynda oňa gatnaşyjylara Ýewropada Howpsuzlyk we Hyzmatdaşlyk Guramasynyň Aşgabatdaky Merkeziniň degişli sertifikatlary gowşuryldy.