Eýranyň Günorta Horasan ülkesinde ýolagçy otlusy demir ýoldan agyp, 13 adam pida boldy, 50 ýolagçy şikes aldy. Bu barada şu gün, 8-nji iýunda «Tasnim» habarlar gullugy habar berdi diýip, «iz.ru» saýty ýazýar.

Otly Maşatdan Ýezd şäherine barýardy, irden ýerli wagt bilen 5:30-da otly Tabas şäheriniň golaýynda demir ýoldan çykdy. Ýerli häkimiýetleriň habaryna görä, ol ekskawator bilen çaknyşdy we dört wagon relslerden çykdy.

Hadysanyň bolan ýerine dikuçarlardyr «Tiz kömek» ulaglary ugradyldy.