Girmek
“Fox News” teleýaýlymy Owganystandaky ýagdaýlary dessin tomaşaçylara ýetirýändigi bilen ABŞ-da iň meşhur teleýaýlyma öwrüldi. Bu barada “Nielsen” seljeriji kompaniýasynyň geçiren barlaglarynyň netijesine esaslanýan “Associated Press” habarlar gullugy habar berdi.
Barlaglara görä, teleýaýlymyň gepleşiklerine tomaşa edýänleriniň ortaça sany 2,94 milliona ýetdi. Mundan öň bu teleýaýlym geçen ýylyň sentýabrynda Amerikada geçen Prezident saýlawlarynda saýlawlaryň öňüsyrasy dalaşgärler Donald Tramp bilen Jo Baýdeniň arasyndaky debatlary görkezmegi bilen baglylykda iň köp seredilýän teleýaýlym boldy.
Geçen hepdede Amerikada iň köp tomaşaçy toplan teleýaýlymlaryň hatarynda CBS News (2,57 million), NBC News (2,53 million tomaşaçy) degişlilikde ikinji we üçünji orunlary eýeledi.