Girmek
Türkmen bedewiniň milli baýramy we türkmen alabaýynyň baýramy hem-de Aşgabat şäheriniň döredilmeginiň 140 ýyllygy mynasybetli Lebap welaýat ýörite sungat mekdebi Lebap atçylyk sport toplumynda konsert berdi.
Konsertiň dowamynda türkmen kompozitorlary tarapyndan dürli ýyllarda bedewlere we Aşgabat şäherine bagyşlanyp döredilen aýdym-saz eserleri bilen birlikde häzirki zaman aýdymlary hem ýerine ýetirildi.
Mekdebiň talyplary kompozitor Rejep Rejepowyň «Ak atda sen», Çary Nurymowyň «Çapyksuwaryň aýdymy» ýaly meşhur eserler bilen bilelikde döwürdeş kompozitorlarymyzyň birnäçe eserlerini ýerine ýetirdiler. Mekdebiň Magtymguly Rozymämmedow, Jemal Saparowa, Baýram Muhammetgulyýew, Begmyrat Goçow, Aýgözel Işankulowa, Gülälek Ýazmyradowa, Döwlet Gurbangeldiýew ýaly talyplarynyň we hor toparynyň ýerine ýetiren aýdymlary «Aşgabat» teleýaýlymy tarapyndan ýazgy edilip, baýramçylyk günlerinde görkezildi.
Welaýat ýörite sungat mekdebi şu ýyl gündogar sebitde belleniljek Medeniýet günleri mynasybetli hem baý medeni maksatnama taýýarlaýar.