Ýurdumyzyň futbol çempionatynyň 9-njy tapgyrynyň esasy duşuşygy paýtagtymyzda geçirilip, onda “Ahal” “Altyn Asyry” kabul etdi.

Ikitaraplaýyn hüjümlere baý bolan bu duşuşyk 2:2 hasabynda tamamlandy. Bu deňliginden soň utugyny 19-a ýetiren “Ahal” ýaryş tertibinde eýeleýän birinji ornuny saklap galdy. 6 oýunda 12 utugy bolan “Altyn Asyr” üçünji orny eýeleýär.

Günüň ikinji oýny Maryda ýerli “Energetik” bilen “Aşgabadyň” arasynda geçirildi. Bu duşuşyk 2:1 hasabynda paýtagtymyzyň toparynyň peýdasyna tamamlandy.

9-njy tapgyryň beýleki iki duşuşygy 11-nji maýda geçirilip, “Merw” “Nebitçini”, “Şagadam” bolsa “Köpetdagy” kabul eder.

Geçirilen duşuşyklaryň netijeleri:

 “Energetik” – “Aşgabat” – 1:2

Gollar: 19 Söhbet Allanazarow (11 m.j.u.) (“Energetik”) – 49 Orazgeldi Myradow (11 m.j.u.), 80 Nazar Tuwakelow (“Aşgabat”)

Duýduryşlar: 21 Döwran Hojamämmedow, 48 Döwletgeldi Mirsultanow, 69 Maksat Atagarryýew, 72 Şazada Bäşimow, 88 Pirmyrat Gazakow (“Energetik”) – 18 Wekil Kadyrow, 33 Baýjan Satlykow, 60 Güýçmyrat Annagulyýew, 90+3 Orazberdi Myradow (“Aşgabat”)

Meýdandan çykarylan: oýundan soň, Döwletgeldi Mirsultanow (2-nji duýduryş) (“Energetik”)

Geçirilýän ýeri: “Sport toplumy” stadiony (Mary ş.)

Duşuşygyň emini: B.Haknazarow (Aşgabat ş.)

Kömekçi eminler: N.Garajaýew (Aşgabat ş.), Ş.Hydyrow (Balkanabat ş.)

Ätiýaçdaky emin: M.Saparow (Mary ş.)

Gözegçi emin: H.Rejepow (Aşgabat ş.)

Tomaşaçy sany: 500

 “Ahal” – “Altyn Asyr” – 2:2

Gollar: 78 Döwran Orazalyýew, 81 Merdan Gurbanow (“Ahal”) – 25, 32 Altymyrat Annadurdyýew (“Altyn Asyr”)

Duýduryşlar: 35 Wezirgeldi Ylýasow, 67 Abdy Bäşimow, 77 Pirmyrat Sultanow, 90+3 Şöhrat Söýünow (“Ahal”) – 22 Selim Nurmyradow, 67 Altymyrat Annadurdyýew (“Altyn Asyr”)

Meýdandan çykarylanlar: 60 Baýram Berdiýew (“Ahal” toparynyň tälimçisi) – oýundan soň, Gurbanmyrat Hojageldiýew (“Altyn Asyr” toparynyň ýolbaşçysy)

Geçirilýän ýeri: “Aşgabat” stadiony (Aşgabat ş.)

Duşuşygyň emini: R.Mämmedow (Aşgabat ş.)

Kömekçi eminler: P.Pälwanow (Daşoguz ş.), S.Gurbanow (Balkanabat ş.)

Ätiýaçdaky emin: A.Goşşanow (Tejen ş.)

Gözegçi emin: A.Sapaýew (Daşoguz ş.)

Tomaşaçy sany: 700