Girmek
1658
Tapgyryň umumy aýratynlyklary:
Orunlar üýtgemedi: Tapgyrdan soň toparlaryň ählisi öz eýeleýän ornunda galdy, ýaryş tertibinde üýtgeşiklik bolmady.
Ýene täze 3 golçy: Möwsümde tapawutlanan futbolçylaryň sanawyna ýene 3 oýunçy goşuldy we sanaw indi 84-e çykdy.
6 gol: Tapgyrda derwezelere 6 pökgi (her duşuşykda ortaça 2 gol) geçirildi, ýöne ätiýaçlykda ýene bir oýun hem bar.
84 futbolçy, 236 gol: Ortaça her futbolça 2,80 (-0,03), her tapgyra 10,26 (-0,19) goldan düşýär.
Ýeňiji — öý eýeleri: Tapgyrdaky duşuşyklaryň üçüsi hem ýer eýeleriniň ýeňşi bilen tamamlandy. Bu-da hiç, myhmanlar toparlar azyndan ýekeje gol hem geçirip bilmediler.
«Ahal» — «Balkan» — 2:0.
Gollar:
1:0, Wahyt Orazsähedow 19’
2:0, Wahyt Orazsähedow 53’ (11 m.j.u.)
Birinji aýlawda: 2:0
Ikinji aýlawda: 4:1
Jemi: 8:1.
Orazsähedow — ikinji: Soňky 3 tapgyrda 5 gol geçiren Wahyt Orazsähedow 14 gol bilen bombardirlik ýaryşynda ikinji orna çykdy.
«Ahal» «aragatnaşykçylara» şärik: Indi «Ahalyňam», edil «Altyn asyr» ýaly, öz meýdanynda geçirilen duşuşyklarda 23 goly bar.
«Ahal» öz meýdanynda 10 ýeňiş gazanan ilkinji topar: Artykmaç düşündiriş derkaram däl. Öz meýdanyndaky ýeňişler babatda Röwşen Meredowyň toparynyň iň ýakyn bäsdeşi «Altyn asyryň», häzirlikçe, öz meýdanynda 8 ýeňşi bar.
Orazsähedow «Balkana» het-trik: Wahyt Orazsähedow «Balkanyň» derwezesine Ýokary ligadaky soňky iki duşuşykda 3 gol geçirdi. Möwsüm babatynda alsak bolsa, bu san 5-e çykýar. Ýadyňyzda bolsa tejribeli hüjümçi Kubok ýaryşynyň çärýek finalynyň Balkanabatda geçirilen ilkinji duşuşygynda hem iki gezek tapawutlanypdy.
«Aşgabat» — «Turan» — 3:0.
Gollar:
1:0, Ibragim Mämmedow 33’
2:0, Nazar Baýramow 73’
3:0, Nazar Baýramow 87’.
Birinji aýlaw: 2:0
Ikinji aýlaw: 2:0
Jemi: 7:0.
«Turan» 10-lugy doldurdy: Şu duşuşykdan soň, «Turan» myhmançylykdaky duşuşyklarda 10 gezek utulan ilkinji topar boldy.
«Köpetdag» — «Şagadam» — 1:0.
Gol:
1:0, Döwlet Seýitmuhammedow 8’.
Birinji aýlawda: 1:2
Ikinji aýlawda: 0:2
Jemi: 2:4.
«Merw» — «Altyn asyr» (16-njy sentýabra geçirildi)
Ýene öňki-öňkülik: Şeýlelikde, möwsümdäki üçünji «Merw» — «Altyn asyr» duşuşygy hem tertipnamada görkezilen senesinde oýnalmady.
«Energetik» — dynç güni.
