HALKARA SENAGATÇYLAR WE TELEKEÇILER UNIWERSITETI

HALKARA SENAGATÇYLAR WE TELEKEÇILER UNIWERSITETI 2026/2027-nji okuw ýyly üçin bakalawr maksatnamasy boýunça bilim ulgamlarynyň aşakdaky ulaldylan toparlaryna talyplyga kabul edýär:

• Binagärlik (taýýarlygyň ugurlary: binagärlik; binagärlik gurşawynyň dizaýny).

• Gurluşygyň tehnikasy we tehnologiýalary (taýýarlygyň ugurlary: senagat we raýat jaý gurluşygy; gurluşyk materiallaryny, önümlerini we konstruksiýalaryny öndürmek).

• Informatika we hasaplaýyş tehnikasy (taýýarlygyň ugurlary: maglumat ulgamlary we tehnologiýalary; emeli aň we ekspert ulgamlary).

• Maşyngurluşyk (taýýarlygyň ugurlary: önümçiligiň we tehnologiýa prosesleriniň awtomatlaşdyrylyşy; mehatronika we robot tehnikasy).

• Oba, tokaý we balyk hojalygy (taýýarlygyň ugurlary: agronomçylyk; azyk önümleriniň tehnologiýasy).

• Weterinariýa we zootehniýa (taýýarlygyň ugurlary: weterinar lukmançygyly; senagat balykçylygy).

• Ykdysadyýet we dolandyryş (taýýarlygyň ugurlary: buhgalterçilik hasaba alnyşy we audit (telekeçilikde); işewürlik we telekeçilik; söwdada we logistikada sanly tehnologiýalar; halkara işewürlik; işewürligi dolandyrmak).

• Hukuk işi (taýýarlygyň ugry: işewürlik hukugy).

Okuwlar türkmen we iňlis dillerinde tölegli esasda alnyp barylýar. Okuwyň dowamlylygy 5 ýyl (1 ýyl dil taýýarlygy, 4 ýyl bakalawr). Giriş synaglary test görnüşinde 2026-njy ýylyň 29-njy iýuly — 5-nji awgusty aralygynda uniwersitetde geçirilýär. Test soraglary ugurlara baglylykda türkmen dili we edebiýaty, iňlis dili, taryh, jemgyýeti öwreniş, informatika, matematika, fizika, himiýa, biologiýa we akyl ýetirme (zehin) soraglaryndan düzülýär.

Halkara senagatçylar we telekeçiler uniwersitetiniň salgysy: Aşgabat ş., Görogly köçesi, 185, tel.: 39-49-59.