Aşakdaky sanawda getirilen ykjam programmalar Türkmenistanda internet ulanyjylar üçin ýörite işlenip düzülendir we köpdürli dükanlaryň, marketleriň, döwlet edaralarynyň hyzmatlaryndan baş çykarmaga, onlaýn bilim almaga hem-de peýdaly maglumat toplamaga ýardam etjek has zerur we meşhur bolan ykjam programmany saýlap almaga kömek eder.
E-bilim – Türkmenistanda onlaýn bilim almak üçin ilkinji gurşaw. Dürli sapaklar we ugurlar boýunça bilim almaga, şol bir wagtda öz bilimleriňi we okatmak boýunça usulyýetleriňi paýlaşmaga mümkinçilik berýär. Işläp düzüji – E-bilim. Ykjam programma «Google Play-de» elýeterlidir, reýtingi – 4,1, ýüklenen sany – 10 müňden gowrak.
Germew – iňlis dilini Beginner derejesinden başlap, Advansed derejesine çenli ähli bilim derejelerinde öwrenmek üçin ykjam programma. «Google Play-de» reýtingi – 4,4, ýüklenen sany – 5 müňden gowrak. Işläp düzüji Isa Annamyradow.
TTBILIM – taýyn referatlaryň, kitaplaryň, prezentasiýalaryň arhiwi. Ykjam programmany işläp düzüji «Türkmen-tranzit» HJ, «Google Play-de» reýtingi – 2,9, ýüklenen sany – 1 müň.
Ykdysady Sozluk – maliýe-ykdysady adalgalaryň sözlügi. Türkmen dilinde 380-den gowrak ykdysady, bank we maliýe adalgalaryň düşündirişini saklaýar. Müňden gowrak adam ýükledi, «Google Play-de» reýtingi – 4,5, ykjam programmany işläp düzüji «Türkmen-Tranzit» HJ.
Kitaphana – özünde türkmen dilindäki kitaplary, ylmy we çeper edebiýatlary, mekdep maksatnamasyna degişli kitaplary, ýokary okuw mekdepleriniň talyplary üçin edebiýatlary, mugallymlar üçin gollanmalary, sapaklaryň ýazgylaryny we köp sanly serişdeleri saklaýar. «Google Play-de» reýtingi – 4,6, ýüklenen sany – 100 müňden gowrak.
TTDictionary – Rusça-türkmençe we Türkmençe-rusça onlaýn sözlük. Düzüminde 165 müňden gowrak söz saklaýar, sözi sesli aýtmak mümkinçiligi, gözleg üçin filtr, saýlananlara goşmak mümkinçiligi bar. «Google Play-de» reýtingi – 4,5; ýüklenen sany – 100 müňden gowrak.
Turkmenportal – Türkmenistanda we onuň daşynda meşhurlyk gazanan maglumat çeşmesiniň ykjam programmasy. Işewürlikdäki, jemgyýetçilik ulgamyndaky, medeniýetdäki iň täze habarlara dowamly elýeterlilik. «Google Play-de» reýtingi – 4,6; ýüklenen sany – 100 müňden gowrak. «App Store-de» ýükläp almak üçin salgysy. Işläp düzüji – «Turkmenportal» HJ.
Duralga – Aşgabatda hereket etmek we ugruňy kesgitlemek üçin ykjam programma, ähli şäheriçi duralgalary we jemgyýetçilik ulagynyň ugurlary baradaky maglumaty özünde saklaýar. «Google Play-de» reýtingi – 3,3; ýüklenen sany – 10 müňden gowrak. Işläp düzüji «Turkmenportal» HJ. «App Store-de» elýeterlidir.
Şäherara bilet – Türkmenistan boýunça şäherara awtobus gatnawlarynyň ýolagçy peteklerini satyn almak üçin ykjam programma. «Google Play-de» reýtingi – 2,7. Ýüklenen sany – 10 müňden gowrak. Işläp düzüji «Turkmenportal» HJ.
Onlaýn taksi – şäheriň islendik nokadyna onlaýn taksi çagyrmak gullugy. «Google Play-de» reýtingi – 3,2; ýüklenen sany – 500-den gowrak. Işläp düzüji «Turkmenportal» HJ. Ykjam programma «App Store-de» ýüklap almak üçin elýeterlidir.
Saray – internet söwda gurşawy, satyn almak-satmak baradaky bildirişleri ýerleşdirmek, otly we uçar peteklerini onlaýn görnüşde satyn almak, şeýle hem jerimeleri we birnäçe hyzmatlar üçin tölegleri tölemek mümkinçiligi döredilen ýer. «Google Play-de» reýtingi – 3,2; ýüklenen sany – 100 müňden gowrak. «App Store-de» elýeterlidir.
Alem TV – IPTV-ni enjamlar (smartfon, planşet) arkaly görmäge mümkinçilik berýän ykjam programma. Türkmenistanyň çäginde hereket edýär we diňe ýurduň içinde görkezilýän teleýaýlymlar boýunça işleýär. «Google Play-de» reýtingi – 2,0; ýüklenen sany – 50 müňden gowrak.
HorjunTV – çeper we dokumental filmlere, köp bölümli filmlere, multfilmlere, şekilli aýdymlara, gülküli we bilim beriji gepleşiklere tomaşa etmek, sport we tehnologiýalar dünýäsiniň täzelikleri bilen tanyşmak üçin niýetlenen ykjam programma. «Google Play-de» reýtingi – 4,2; ýüklenen sany – 1 milliondan gowrak. Işläp düzüji «Ykjam Aragatnashyk» HJ.
Belet Film – filmlere, köp bölümli filmlere, multfilmlere, dürli ugurly gepleşiklere tomaşa etmäge mümkinçilik berýän onlaýn-kinoteatr. Ykjam programmanyň «Google-da» reýtingi – 3,9; ýüklenen sany – 100 müňden gowrak. Işläp düzüji – JAN tehnologiýa. «App Store-de» we web-nusgada elýeterlidir.
TMCell töleg – gapjyk hökmünde «Altyn Asyr» bank kartlaryny ulanyp, öýjükli telefonlaryň hasabyny artdyrmak üçin ykjam programma. «Google Play-de» reýtingi – 3,5; ykjam programmany 500 müňden gowrak adam ýükledi. «App Store-de» ýüklap almak üçin salgysy.
Çapar – «Türkmenpoçta» poçta aragatnaşyk kompaniýasynyň ykjam programmasy. Ýurduň ähli künjegine bukjalary ibermek üçin çaparçylyk hyzmatyndan peýdalanmaga, PÝGG-niň jerimelerini, ýaşaýyş jaý hyzmatlarynyň we aragatnaşyk hyzmatlarynyň töleglerini tölemäge mümkinçilik berýär. «Google-da» reýtingi – 4,1; ýüklenen sany – 10 müňden gowrak. «App Store-de» elýeterlidir.
Tmcell Sazz – türkmen, rus we daşary ýurt aýdymlaryny («Altyn Asyryň» abonentleri üçin) onlaýn görnüşde diňlemek üçin niýetlenen ykjam programma. Düzüminde 300 müňden gowrak aýdym saklaýar. «Google Play-de» reýtingi – 3,1; ýüklenen sany – 50 müňden gowrak. «App Store-de» ýüklap almak üçin salgysy.
Ýoda Restoran – tagamlary öýe sargyt etmek mümkinçiligi bolan Aşgabatdaky restoranlaryň we kafeleriň jemlenmesi. «Google Play-de» reýtingi – 4,4; ýüklenen sany – 1 müňden gowrak.
Goozle – mobil enjamlar arkaly harytlary saýlamaga we onlaýn usulda satyn almaga, şeýle hem dürli internet gurşawlardaky harytlaryň bahalaryny deňeşdirmäge mümkinçilik berýär. Web-nusgada elýeterlidir. «Google Play-de» reýtingi – 4,5; ykjam programmanyň ýüklenen sany müňden gowrakdyr.
Dostawka.Bar – restoranlardan we kafelerden naharlary eltip bermek üçin ykjam programma. Aşgabatda we bütin Türkmenistan boýunça hereket edýär. Ykjam programmanyň ýüklenen sany 10 müňden gowrakdyr, «Google Play-de» reýtingi – 3,9.
Pamador – restoranlardan we kafelerden naharlary eltip bermek üçin ykjam hyzmat gullugy. «Google Play-de» reýtingi – 3,8. Ýüklenen sany – 1 müňden gowrak. «App Store-de» elýeterlidir.
TmKontakt – telefon maglumatnamasy. Bütin Türkmenistan boýunça dermanhanalaryň, demir ýol menzilleriniň, howa menzilleriniň, kafeleriň we restoranlaryň, banklaryň, lukmançylyk we beýleki edaralaryň telefon belgilerini özünde jemleýär. «Google Play-de» reýtingi – 4,2; ýüklenen sany – 50 müňden gowrak. Işläp düzüji Myrat Gurbanow.
Türkmenistanyň Jenaýat kodeksi – Türkmenistanyň kanunlarynyň türkmen we rus dillerindäki ýygyndysy. Ykjam programmany internete birikmezden peýdalanyp bolýar. «Google Play-de» reýtingi – 4,0; 50 müňden hem köp gezek ýüklendi.
Ependi şorta sözleri – Hoja Nasreddin (Ependi) hakyndaky halk degişmeleriniň we gülküli kyssalaryň ýygyndysy. «Google Play-de» reýtingi – 4,0. Ykjam programma 10 müňden hem köp gezek ýüklendi.
Türkmenistanyň Zähmet kodeksi – Ykjam programmanyň mümkinçilikleri internete birikmezden hem elýeterlidir, düşnükli iki dildäki interfeýs (türkmen/rus), bellik etmek, maddalaryň ady boýunça gözleg etmek mümkinçiligi göz öňünde tutulandyr. «Google Play-de» reýtingi – 4,4; 10 müňden hem köp gezek ýüklendi.
TMCARS – hususy şahslar, telekeçiler we kompaniýalar üçin wirtual «bildiriş tagtasy». Söwdanyň we hyzmatlaryň ähli ugurlary göz öňünde tutulandyr. Interfeýs türkmen we rus dillerinde işlenip düzülendir. «Google Play-de» reýtingi – 4,5. Ykjam programma 1 milliondan hem köp gezek ýüklendi.
