Girmek
Moskwadaky Kremliň Sobor meýdançasynda ýerleşdirilen Täze ýyl arçasy Ýewropa döwletleriniň paýtagtlaryny bezän hakyky arçalaryň arasynda ikinji orny eýeledi. Bu barada «RIA Nowosti» habar berdi. Arça Moskwa oblastynyň Možaýsk şäher çäginden getirilip, onuň boýy 30 metre deň.
Habarda Ýewropadaky iň beýik arçanyň Awstriýanyň paýtagtynda oturdylandygy aýdylýar, ýagny Wena şäherini bezeýän arçanyň boýy 34 metre ýetýär. Üçünji orunda Italiýanyň paýtagtynda bezelen 29 metrlik Täze ýyl arçasy ýerleşdi. Polşanyň paýtagty Warşawada 27 metrlik, Londonda 27 metrlik arça dikildi.
«Waşingtonda 24 metrlik, Berlinde 23, Pragada 22 we Lýublýanada 21 metrlik arça bezeldi. Tokioda 14 metrlik arça oturdyldy» diýlip, habarda bellenýär.
Şeýle-de bu ýyl Täze ýyl we Roždestwo baýramlaryny bellemek üçin käbir paýtagtlarda emeli arçalaryň bezelendigi belli boldy. Mysal üçin, Braziliýanyň paýtagtynda 53 metrlik, Indoneziýanyň paýtagty Jakartada we Awstraliýanyň Sidneýinde 25 metrlik emeli arçalar dikildi.