Hindistanyň Haýdarabat şäherinde «Puşpa 2» atly täze çeper filmiň premýerasynda dörän dyknyşykda bir zenan pida boldy. Bu barada şäheriň polisiýasy habar berdi diýip, TASS ýazýar.
Kinoteatryň girelgesinde ýüzlerçe adam ýygnandy. Haçanda filmde baş keşbi döreden aktýor Allu Arjun peýda bolanda, dyknyşyk başlandy. Adamlar kinoetatryň girelgesine eňdiler, goragçylara olary saklamak başartmady.
Mähelle kinoteatryň girelgeleriniň gapylaryny-da döwdi. Başagaýlyk sebäpli aktýor Allu Arjun filmiň görkezilişini terk etdi. Dyknyşykda bir zenan gurban boldy, onuň çagasy hassahana eltildi. Ýene birnäçe adam şikes aldy.
