Girmek
Türkmenistan Daşkent şäherinde bilelikde geçirilen Şanhaý Hyzmatdaşlyk Guramasynyň Terrorçylyga garşy sebitleýin düzüminiň 10-njy ylmy-amaly maslahatyna hem-de Garaşsyz Döwletleriň Arkalaşygynyň Terrorçylyga we ekstremizme garşy göreşmek boýunça ikinji konferensiýasyna gatnaşdy.
Halkara foruma ŞHG-niň we GDA-nyň agzasy bolan döwletleriň degişli gulluklarynyň wekilleri hem-de halkara guramalaryň wekilleri gatnaşdylar.
Forumyň dowamynda häzirki zaman wehimleriniň gelip çykyş sebäplerini seljermek arkaly terrorçylyga we ekstremizme garşy bilelikdäki tagallalary dowam etdirmegiň zerurdygy nygtaldy. Şunuň bilen baglylykda, terrorçylyga garşy halkara hyzmatdaşlygyny mundan beýläk-de ösdürmek, bu ugurda ŞHG we GDA ýurtlarynyň işjeňligini ýokarlandyrmak ýaly meseleler ara alnyp maslahatlaşyldy.
Mundan başga-da, foruma gatnaşanlar terrorçylykly jenaýatlaryň öňüni almakda bilelikde hereket etmek hem-de terrorçylyga we ekstremizme garşy göreşmekde milli kanunçylyk resminamalaryny yzygiderli kämilleşdirmek barada hem pikir alyşdylar.