Türkmenistanyň Prezidenti, Türkmenistanyň Ýaragly Güýçleriniň Belent Serkerdebaşysy Serdar Berdimuhamedow 12-nji iýulda, «Türkmenistanyň prokuraturasy hakynda» Türkmenistanyň Kanunynyň 16-njy maddasyna laýyklykda, «Prokurorlary wezipä bellemek we wezipeden boşatmak hakynda» Permana gol çekdi. Resminama laýyklykda, ýustisiýanyň kiçi geňeşçisi Batyr Nurmyradowiç Wekilow Lebap welaýatynyň prokurory wezipesine bellenilip, ol Lebap welaýatynyň Kerki etrabynyň prokurory wezipesinden boşadyldy.
Ýustisiýanyň geňeşçisi Muhammetoraz Kakalyýewiç Gurbanow Lebap welaýatynyň prokurory wezipesinden boşadyldy.
