Güýçli çabgalar Polşanyň günortasynda sil joşgunlaryny döretdi diýip, «24KZ» habar berdi. Tebigy hadysa esasan hem ýurduň Býelsko-Býala şäherine zyýan ýetirdi. Ol ýerde gije-gündizde inedördül metre ygalyň 150 litri düşdi. Bu Polşada soňky 50 ýylda iň ýokary görkezijidir.

Ýüzlerçe öýler suwa gark boldy, köçelerden suw derýa dönüp akdy. Awtoulag gatnawy bozuldy. Adamlar göçürilýär, ýerli häkimiýetler ýitginiň möçberini seljerýärler.