Türkmenistanyň bilim ministri Gurbangül Kakalyýewna Ataýewa, başga işe geçmegi sebäpli, eýeleýän wezipesinden boşadyldy. Bu wezipä Baýramgül Motyýewna Orazdurdyýewa bellenilip, ol Magtymguly adyndaky Türkmen döwlet uniwersitetiniň rektory wezipesinden boşadyldy.

Prezident Serdar Berdimuhamedow degişli Permanlara 9-njy fewralda ýurtda 2023-nji ýylda alnyp barlan işleriň jemlerine bagyşlanyp geçirilen giňişleýin Hökümet mejlisinde gol çekdi. Bu barada «Watan» habarlar gepleşiginde habar berildi.