Girmek
Lebap welaýatynda «Pisseli», «Arzuwly ugur», «Paýhasly ýörelge», «Syrly sandyk» ýaly hususy gurluşyk kärhanalary döwletden alynýan 30 ýyllyk möhletli karzlaryň hasabyna bir we iki gatly ýaşaýyş jaýlarynyň 165-siniň gurluşygyny güýçli depginde alyp barýarlar. Bu barada «Türkmenistan» gazetinde habar berildi.
Habarda bellenilişi ýaly, Kerki şäheriniň demirgazyk böleginde emele gelen ýaşaýyş jaý toplumynda eýýäm jaý toýlary-da tutulyp başlandy. Kerki şäherine özboluşly görk berjek bu täze ýaşaýyş jaýlarynyň ýene-de 72-sinde gurluşyk işleri tamamlaýjy tapgyrda alnyp barylýar. Ýakyn günlerde olaryň eýeleri-de täze jaýlara göçüp bararlar diýlip, habarda bellenilýär.