Serd­ar Berdimuhamedow nobatdaky Hökümet me­jlisini geçirdi

Şu gün Prezident Serdar Berdimuhamedow sanly ulgam arkaly Türkmenistanyň Ministrler Kabinetiniň nobatdaky mejlisini geçirdi. Bu barada «Watan» habarlar gep­leşiginde habar berildi.

Bellenilişi ýaly, mejlisde käbir resminamalaryň taýýarlanan taslamalary hem-de ýurdy durmuş-ykdysady taýdan ösdürmegiň birnäçe meseleleri ara alnyp maslahatlaşyldy.

Hökümet mejlisinde, ilk­i bilen, Türkmenistanyň Mejlisiniň Baş­lygy D.Gulmanowa söz ­berildi. Ol milli parlamentiň işi barada maglumat berdi. Şunda häzirki wagtda ýurtda maşgala, raýat-hukuk gatnaşyklarynyň kadalaryny mundan beýläk-de kämilleşdirmek maksady bilen, Türkmenistanyň hereket edýän kodekslerine üýtgetmeleriň we goşmaçalaryň girizilýändigi barada aýdyldy. Şeýle-de täze kanun taslamalaryny taýýarlamak boýunça işleriň alnyp barylýandygy bellenildi.

Mejlisiň deputatlarynyň döwlet syýasatyny, ýurtda durmuşa geçirilýän özgertmeleriň, gazanylýan üstünlikleriň we 2024-nji ýylyň “Pähim-paýhas ummany Magtymguly Pyragy” atly şygarynyň syýasy-jemgyýetçilik ähmiýetini wagyz etmek, onuň many-mazmunyny halk köpçüligine düşündirmek boýunça degişli çärelere gatnaşýandyklary, metbugatda hem-de teleradioýaýlymlarda çykyş edýändikleri barada hem habar berildi.

Prezident Serdar Berdimuhamedow ýurduň kanunçylygyny döwrüň talabyna görä kämilleşdirmek boýunça alnyp barylýan işleri dowam etmegiň möhümdigini belledi.

Soňra wise-premýerler­ hem-de Türkmenistanyň Ministrler Ka­binetiniň ýanyndaky U­lag we kommunikasiýal­ar agentliginiň Baş d­irektory gözegçilik e­dýän düzümlerinde aln­yp barylýan işler, pu­daklary mundan beýläk­-de ösdürmek ugrunda durmuşa geçirilýän çä­reler, ozal berlen tabşyryklaryň ýerine ýe­tirilişi, degişli ugurlar boýunça öňde boljak­ çäreler, olara görülýän taýýarlyk işleri barad­a hasabatlary berdile­r.

Döwlet Baştutany hasabatlar­y diňläp, ýurduň dürl­i toplumlarynda, mill­i ykdysadyýetiň pudak­larynda alnyp barylýa­n işler, halkara gatn­aşyklar, öňde boljak ­çäreler, pudaklary mu­ndan beýläk-de ösdürm­ek ugrundaky wezipele­r bilen baglylykda, d­egişli ýolbaşçylara a­nyk tabşyryklarydyr görkezmeleri berdi.

Sanly ulgam arkaly geçirilen Hökümet mejlisiniň barşynda Türkmenistanyň Prezidenti käbir resminamalara-da gol çekdi.

Mejlisde döwlet durmuşyna degişli başga-da birnäçe möhüm meselelere garaldy we olar boýunça degişli çözgütler kabul edildi.

Prezident Serdar Berdimuhamedow Hökümet mejlisini jemläp, oňa gatnaşanlara berk jan saglygyny, maşgala abadançylygyny we ýurduň gülläp ösmegi ugrunda alyp barýan işlerinde üstünlikleri arzuw etdi.