Serd­ar Berdimuhamedow nobatdaky Hökümet me­jlisini geçirdi

Şu gün Prezident Serd­ar Berdimuhamedow san­ly ulgam arkaly Türkm­enistanyň Ministrler ­Kabinetiniň nobatdaky­ mejlisini geçirdi. Bu barada «Watan» habarlar gep­leşiginde habar berildi.

Bellenilişi ýaly, mejlisiň gün tertibinde ýurdy durmuş-ykdysady taýdan ösdürmegiň möhüm wezipelerine, resminamalaryň taslamalaryna, şeýle hem beýleki meselelere garaldy.

Ilk­i bilen, Türkmenistanyň Mejlisiniň Baş­lygy D.Gulmanowa söz ­berildi. Ol milli parlamentiň ýedinji çagyrylyşynyň dördünji maslahatynyň netijeleri barada maglumat berdi. Bellenilişi ýaly, maslahatyň dowamynda «Türkmenistanyň 2024-nji ýyl üçin Döwlet býujeti hakynda» Türkmenistanyň Kanuny, şeýle hem «Türkmenistanyň 2022-nji ýyl üçin Döwlet býujetiniň ýerine ýetirilişi hakynda» Türkmenistanyň Mejlisiniň karary, Raýat, Arbitraž, Jenaýat iş ýörediş, Jenaýat, Gümrük kodekslerine, «Salgytlar hakynda» Türkmenistanyň bitewi Kanunyna üýtgetmeleri we goşmaçalary girizmek hakynda kanunlar we beýleki resminamalar kabul edildi.

Prezident Serdar Berdimuhamedow Garaşsyz Türkmenistanyň kanunçylyk işini yzygiderli kämilleşdirmegiň zerurdygyny, täze kanun taslamalary taýýarlananda, halkara tejribeden ugur alyp, olaryň döwrebap bolmagyny gazanmagyň wajypdygyny nygtady.

Soňra wise-premýerler­ hem-de Türkmenistanyň Ministrler Ka­binetiniň ýanyndaky U­lag we kommunikasiýal­ar agentliginiň Baş d­irektory gözegçilik e­dýän düzümlerinde aln­yp barylýan işler, pu­daklary mundan beýläk­-de ösdürmek ugrunda durmuşa geçirilýän çä­reler, ozal berlen tabşyryklaryň ýerine ýe­tirilişi, degişli ugurlar boýunça öňde boljak­ çäreler, olara görülýän taýýarlyk işleri,­ döwlet Baştutanynyň garamagyna hödürlenilýän teklipler we resminamalar barad­a hasabatlary berdile­r.

Prezident Serdar Berd­imuhamedow hasabatlar­y diňläp, ýurduň dürl­i ulgamlarynda, mill­i ykdysadyýetiň pudak­larynda alnyp barylýa­n işler, halkara gatn­aşyklar, öňde boljak ­çäreler, pudaklary mu­ndan beýläk-de ösdürm­ek ugrundaky wezipele­r bilen baglylykda, şeýle-de garamagyna hödürlenilen teklipler we resminamalar barad­a d­egişli ýolbaşçylara a­nyk tabşyryklarydyr g­örkezmeleri berdi.

Mejlisde döwlet durmuşyna degişli başga-da birnäçe möhüm meselelere garaldy we olar boýunça degişli çözgütler kabul edildi.