4-nji sentýabrda Saud Arabystanynyň Er-Riýad şäherinde agyr atletika boýunça 88-nji dünýä çempionatyna badalga berler.117 döwletden 700-den gowrak türgeniň gatnaşmagynda geçiriljek çempionat 17-nji sentýabra çenli dowam eder.

Çempionat 2024-nji ýylda Fransiýanyň Pariž şäherinde geçiriljek XXXIII tomusky Olimpiýa oýunlarynyň öňüsyrasyndaky saýlama ýaryşlaryň biridir.

Türkmen topary dünýä arenasynda uly üstünliklere ýeten güýçli agyr atletikaçylaryň 15-sinden ybaratdyr.

Türkmenistanyň erkekler ýygyndysy:

• Gaýgysyz Töräýew, Gawana – 2023 Gran-prisiniň kümüş medalçysy;
• Hojamuhammet Toýçyýew, Konýada geçen V Yslam Raýdaşlygy oýunlarynyň bürünç medalçysy;
• Bunýat Raşidow, Aziýa çempionaty – 2023-iň bürünç medalçysy;
• Perhat Bagtyýarow, Ýetginjekleriň arasyndaky Aziýa çempionaty – 2023-iň kümüş medalçysy;
• Seýitjan Mirzaýew, Dünýä çempionaty – 2021-iň silterläp galdyrmak boýunça bürünç medalçysy;
• Maksat Meredow, Aziýa çempionaty 2021-iň kümüş medalçysy;
• Şatlyk Şöhradow, Türkmenistanyň çempiony;
• Dawranbek Hasanbaýew, Türkmenistanyň çempiony;
• Şahzatbek Mätýakubow, Türkmenistanyň çempiony;
• Bekmyrat Reýimow, Türkmenistanyň çempiony.

Türkmenistanyň zenanlar ýygyndysy:

• Ýulduz Jumabaýewa, dünýä çempiony;
• Polina Gurýewa, Olimpiýa oýunlarynyň kümüş medalynyň eýesi;
• Gülnabat Kadyrowa, V Yslam Raýdaşlygy oýunlarynyň altyn medalynyň eýesi;
• Anamjan Rustamowa, ýetginjekleriň arasynda Aziýanyň çempiony;
• Kristina Şermetowa, Konýada geçen V Yslam Raýdaşlygy oýunlarynyň kümüş medalynyň eýesi.

Erkekler: 55 kg, 61 kg, 67 kg, 73 kg, 81 kg, 89 kg, 96 kg, 102 kg, 109 kg, +109 kg.

Zenanlar: 45 kg, 49 kg, 55 kg, 59 kg, 64 kg, 71 kg, 76 kg, 81 kg, 87 kg, +87 kg.