Girmek
«Aşgabat şäher telefon ulgamy» ÝGPJ kärhanalara, dürli eýeçilik görnüşindäki kompaniýalara, guramalara we hususy telekeçilere «09» sorag-jogap gullugy tarapyndan telefon belgilerini habar bermek hyzmatyny hödürleýär.
Hususan-da, bu hyzmatdan täze açylan kärhanalar, hususy dermanhanalar, dükanlar, restoranlar we kafeler, şeýle hem «09» sorag-jogap gullugynyň sanawyna maglumatlary ozal girizilmedik guramalar peýdalanyp bilerler.
Olar bu hyzmaty birikdirmek boýunça AŞTU bilen şertnama baglaşyp, potensial müşderilerine zerur maglumatlary bermäge, şonuň netijesinde bolsa öz harytlaryny we hyzmatlaryny içerki bazarda ýerlemäge mümkinçilik alýarlar.
Hyzmat üçin aýlyk töleg türkmenistanlylar üçin 15 manat, daşary ýurt kompaniýalary üçin 4,79 dollar.
Ýatlatsak, «09» sorag-jogap gullugy – bu Türkmenistandaky telefon belgileriniň we salgylarynyň iň uly, yzygiderli täzelenýän maglumat binýadydyr. «09» abonentlere dürli görnüşli maglumatlary berýär: gyssagly we tiz kömek gulluklary, döwlet we jemgyýetçilik edaralary, kärhanalaryň maglumatlary (salgylar, telefonlar, iş wagty, hyzmatlary) we beýlekiler. «09» sorag-jogap gullugy gije-gündiziň dowamynda işleýär we hakyky wagt tertibinde hyzmat edýär.
AŞTU-nyň edara görnüşli müşderileri hyzmatlar üçin ähli tölegleri onlaýn usulda töläp bilerler.