«Türkmendemirýollary» agentligi ýolagçylar üçin ýokary hilli hyzmatlary hödürleýän VIP wagonlar üçin petekleriň satuwyny täzeden ýola goýdy.
Agentligiň metbugat gullugynyň «Turkmenportala» habar bermegine görä, VIP görnüşli wagonlar üçin petekler eýýäm wokzalyň kassalarynda satylyp başlandy. Ýakyn wagta şeýle petekleri railway.gov.tm saýty arkaly onlaýn satyn almak hem mümkin bolar.
Ýeri gelende bellesek, VIP görnüşli wagonlar ýolagçylar üçin goşmaça amatlyklary özünde jemleýär. Olaryň hataryna agşamlyk nahary, alkogolsyz içgiler we islege görä çaý ýa-da kofe girýär. Mundan başga-da, VIP wagonlaryň ýolagçylary bir gezeklik süpürgiçler (polotensalar), aýakgaplar we ýokary hilli ýapynjalar bilen üpjün edilýär. VIP görnüşli wagonlaryň küpeleri dört ýolagça niýetlenendir.
Şeýle-de VIP wagonlaryň ýolagçylary mugt Wi-Fi ulgamy arkaly dynç alyş maksatly wideoşekillere we filmere tomaşa edip bilerler.
