Türkmenistanyň futbol boýunça milli ýygyndysy CAFA Nation's Cup-2023-iň «A» toparçasynyň deslapky oýnunda Täjigistanyň ýygyndysy bilen deňme-deň oýnady.

Daşkentdäki «Pahtakor» stadionynda bolan oýun 1:1 hasabynda tamamlandy.

57-nji minutda «Altyn Asyryň» hüjümçisi Myrat Annaýew hasaby açdy. Täjigistanyň milli ýygyndysynyň oýunçylary 87-nji minutda hasaby deňlediler.

Türkmenistanyň milli ýygyndysy indiki duşuşygyny 14-nji iýunda Özbegistanyň ýygyndy topary bilen geçirer.

Türkmenistanyň milli ýygyndysynyň CAFA Nations Cup 2023-de geçirjek oýunlarynyň senenamasy:

11-nji iýun (ýekşenbe)

18:30 / Täjigistan – Türkmenistan, «Pahtakor» stadiony — 1:1

14-nji iýun (çarşenbe)

20:30 / Türkmenistan – Özbegistan, «Bunýodkor» stadiony

17-nji iýun (şenbe)

18:30 / Türkmenistan – Oman, «Pahtakor» stadiony