Girmek
Türkmenistanyň 3х3 basketbol boýunça milli ýygyndysy Singapurda geçiriljek Aziýanyň kubogy ugrundaky ýaryşa gatanaşar.
Yklymyň iň güýçli milli ýygyndylaryny özünde jemlejek ýaryşy 29-njy mart ― 2-nji aprel aralygynda geçirmek meýilleşdirilýär. Türkmenistanyň geçirjek duşuşyklarynyň wagty baradaky maglumat biraz soňrak paýlaşylar.
Yklym ýaryşyna Aziýadan we Okeaniýadan erkekleriň 24, zenanlaryň bolsa 19 topary gatanaşar.
Türmenistanyň erkekler ýygyndysyna Ýewgeniý Nazipow, Annaguly Hojagulyýew, Merdan Hojamedow we Kerim Mämmetmyradow dagylar wekilçilik edýär. Olara Toýly Baýryýew tälim berýär.
Türkmenistanyň 3х3 basketbol boýunça erkekler we zenanlar ýygyndylarynyň şu günler Litwada türgenleşýändigini ýatladýarys.