Girmek
Türkmenistanyň futbol çempionaty ― 2022-ni bürünç medal bilen tamamlap, üstümizdäki ýylda AFK-nyň kubogyna gatnaşmaga hukuk gazanan «Merw» futbol topary düzümini «Altyn asyryň» goragçysy Selim Ataýew bilen güýçlendirdi. Bu barada Türkmenistanyň Futbol federasiýasy habar berýär.
1995-nji ýylyň 12-nji martynda doglan futbolçy «Altyn asyryň» düzüminde alty gezek ýurduň çempiony boldy. Şeýle hem ol 2018-nji ýylda «Altyn asyr» bilen AFK-nyň kubogynyň finalyna çykdy.
Germaniýanyň «Transfermarkt» portaly oýunça 50 müň ýewro baha kesýär.
«Merwiň» «Altyn asyrdan» 36 ýaşly goragçy Zafar Babajanowy hem düzümine goşandygyny habar beripdik. «Altyn asyr» bolsa bu goragçylaryň ornuny «Nebitçiden» Serdar Annaorazow we «Ahaldan» Hoşgeldi Hojowow bilen doldurdy.