Russiýanyň Tula şäherinde nusgawy ýazyjy Lew Tolstoýyň şahsy zatlarynyň sergisi açyldy diýip, TASS habarlar gullugyna salgylanýan «Gazeta.ru» ýazýar.
Sergi geljek ýylyň 22-nji ýanwaryna çenli ýazyjynyň Tuladaky «Ýasnaýa Polýana» muzeý-mülkünde dowam eder. Ol ýazyjynyň maşgalasynyň gyşky däplerine bagyşlanandyr. Onda ýazyjynyň öz aýalydyr çagalary bilen Roždestwo baýramyna taýýarlyk görüşleri barada gürrüň berler. Sergide gymmatlyklaryň 50-den gowragy bolup, olaryň arasynda penjeklerdir kitaplar, öý goşlary, fotosuratlar we Tolstoýyň aýaly Sofýanyň çeken kartinalary bar.
Serginiň myhmanlary ýazyjynyň aýalynyň seken gyşky manzarlaryny synlap bilerler. Olarda Sofýa Ýasnaýa Polýananyň ajaýyp gyşky gözelligini şekillendiripdir.
