Futzal boýunça Kuweýtde geçirilýän 16-njy Aziýa Kubogynyň finaly tamamlandy.
Habar berşimiz ýaly, finalda Eýranyň hem-de Ýaponiýanyň ýygyndylary duşuşdylar.
Ýaponiýanyň ýygyndysy ýarym finalda Özbegistanyň ýygyndysyndan 2:1 hasabynda üstün çykdy. Eýranyň ýygyndysy bolsa ýarym finalda Tailandyň ýygyndysyny 5:0 hasabynda utdy.
Şeýlelikde, finalda Ýaponiýa 3:2 hasabynda Eýranyň ýygyndysyny utdy.
Üçünji orun ugrundaky duşuşyk Özbegistan bilen Tailandyň arasynda geçirilip, özbek ýygyndysy 8:2 hasabynda ýeňiş gazandy.
