Braziliýa öz çäginde «Apple» kompaniýasyna «Aýfon» smartfonlarynyň satuwyny gadagan etdi. Kazyýet muny satyn alyjylaryň hukugynyň kemsidilmegi hökmünde häsiýetlendirdi, ýagny olar doly bolmadyk toplumdaky harydy satyn alýarlar. Ýurtda eýýäm iki ýyldyr, ady tutulan el telefonlary güýç berijisiz satylýar, muny kompaniýa zibili azaltmak arkaly daşky gurşawy goramak üçin edýändigi bilen delillendirýär.

«Apple» kompaniýasy brazil kazyýetiniň hökümine garşy şikaýat etmek isleýär diýip, «Euronews.com» ýazýar.