Şu gün Türkmenistanda täze okuw möwsümi başlandy. Ýurduň ähli mekdeplerinde, ýokary we orta hünär okuw mekdeplerinde sapaklar öňki tertipde okadylyp başlady.

Türkmenistanda Keselleriň ýaýramagyna garşy göreşýän adatdan daşary toparyň 2022-nji ýylyň 6-njy iýulynda geçirilen mejlisiniň çözgüdi esasynda täze okuw ýylynda okuwlar adaty tertipde alnyp barlar we bilim edaralarynda agyz-burun örtükleriniň ulanylyşy gözegçilikde saklanar. Bu barada «Türkmenistan» gazetinde habar berildi.

Toparyň 21-nji awgustdaky mejlisiniň çözgüdine laýyklykda, mekdeplerde sanitariýa, arassaçylyk-gigiýena we öňüni alyş-zyýansyzlandyryş işleri has-da güýçlendiriler.