Türkmenistanly samboçy Nurana Hezretowa «Aziýanyň çagalary» atly VII halkara sport oýunlarynda 65 kilograma çenli agram derejesinde üçünji orna mynasyp boldy.
Oýunlara Türkmenistanyň 62 türgen bilen gatnaşýandygyny ýatladýarys. Olar sportuň 9 görnüşi boýunça medallar ugrunda göreşýärler.
Häzire çenli Türkmenistan 9 medal toplady. Oýunlaryň medal sanawynda Türkmenistan 10-njy orny eýeleýär.
Oýunlar 8-nji awgustda tamamlanar.
