Türkmenistanyň Prezidentiniň Permany bilen Atadurdy Haldurdyýewiç Baýramow Türkmenistanyň Ýaponiýadaky (Tokio şäheri) Adatdan daşary we Doly ygtyýarly ilçisi wezipesine bellenildi. Bu barada «Türkmenistan» gazeti habar berýär.
Belläp geçsek, mundan ozal Atadurdy Baýramow Russiýa Federasiýasynda (Kazan şäheri) Türkmenistanyň Baş konsuly wezipesini ýerine ýetiripdi.
Döwlet Baştutanynyň gol çeken Permanyna laýyklykda, Atadurdy Haldurdyýewiç Baýramowa Adatdan daşary we Doly ygtyýarly ilçi diýen diplomatik dereje berildi.
