Girmek
Hytaý Halk Respublikasynyň Daşary işler ministrliginiň habar bermegine görä, şu gün — 5-nji fewralda HHR-nyň paýtagtynda Türkmenistanyň Prezidenti Gurbanguly Berdimuhamedow Hytaý Halk Respublikasynyň Başlygy Si Szinpin bilen duşuşyk geçirdi.
Türkmenistanyň we Hytaýyň ýolbaşçylarynyň söhbetdeşligi strategiki häsiýeti we ikitaraplaýyn gatnaşyklaryň baý gün tertibi bilen tapawutlanýan özara hereketleriň ähli ugurlaryny öz içine aldy.
Iki dostlukly ýurduň Baştutanlarynyň işjeň gepleşikleriniň barşynda bellenilişi ýaly, Türkmenistanyň Prezidentiniň Pekine sapary soňky ýyllarda hil taýdan täze dereje çykan hem-de mazmun taýdan baýlaşdyrylan özara bähbitli ikitaraplaýyn hyzmatdaşlygyň ösdürilmeginde nobatdaky netijeli ädim bolar.
Taraplar şeýle-de gaz ulgamy, söwda, ulag häzirki zaman telekommunikasiýa tehnologiýalary, sanly ykdysadyýet, kosmonawtika we beýleki geljegi uly bolan ugurlardaky gatnaşyklaryň has hem ýygjamlaşdyrylmagynyň zerurlygyny belläp geçdiler.
Duşuşygyň dowamynda Prezident Gurbanguly Berdimuhamedow özara gatnaşyklaryň ikitaraplaýyn, şol sanda köptaraplaýyn derejelerde hem işjeň ösüşini kanagatlanma bilen belläp, geçen 30 ýylyň dowamynda taraplaryň bilelikdäki tagallalaryň netijesinde syýasy, söwda-ykdysady we medeni-ynsanperwer ulgamlardaky ikitaraplaýyn hereketleriň strategiki hyzmatdaşlyk derejesine çykarylandygyny nygtady.
Şeýle-de okaň!