Türkmenistanly derwezeçi Rahat Japarow karýerasyny Özbegistanda dowam etdirer. Germaniýanyň «Transfermarkt» portalynyň habaryna görä derwezeçi «Buhara» futbol topary bilen şertnama baglaşdy.
2020-nji ýylyň futbol möwsüminde gyrgyz çempionatynda «Abdyş-Atanyň» derwezesini goran ildeşimiziň şertnamasy geçen ýylyň ahyrynda tamamlandy. Ol täze topary bilen erkin oýunçy hökmünde şertnama baglaşdy.
«Tranfermakt»-da onuň häzirki trasfer bahasy 100 müň ýewro.
«Buhara» barada aýdylanda bolsa, topar 2020-nji ýylda Özbegistanyň Superligasynda soňky 14-nji orny eýeledi we bu möwsüm ýurduň Pro-ligasynda ýaryşar.
