Hamal (guzy 21.03-20.04)
Geljek hepdede saglygyňyz hakynda alada etmegiňiz gerek. Zyýanly endiklerden saplanmak, saglyga ýaramaz täsir edýän işlerden daşda durmak bilen özüňizi oňat duýup bilersiňiz. Iýip-içýän zatlaryňyza üns beriň. Dostlaryňyzyň tekliplerine ünsli boluň olar bilen gatnaşyklaryňyzy ýygjamlaşdyryň. Mümkin boldugyndan ýeňil siňýän naharlary iýmäge çalşyň. Tebigatda, açyk howada köpräk gezelenç etmek bilen şähdiňizi açarsyňyz
Sowur (öküzçe 21.04-20.05)
Bu döwürde ähli işler babatda erbet pikirde bolmaň. Ähli etsem-goýsamlaryňyzy, meýilleriňizi ýakyn garyndaşlaryňyz, dost-ýarlaryňyz bilen maslahatlaşyň, resminamalara üns beriň. Bu döwürde uly serişde talap edýän söwdalara goşulmaň. Arassa howada köpräk dynç alyň. Ýyldyzlar bu döwürde dynç alyş hökmünde sport bilen meşgullanmagy, berhiz tutmagy maslahat bermeýärler
Jöwza (ekizekler 21.05-21.06)
Iş ýerleriňizde aladaňyz ýetik bolar. Olardan baş alyp çykmak üçin öý işleriňizi biraz wagt gapdala goýmaly bolarsyňyz. Geljek hepdede ýyldyzlar maşgalaly jöwzalara kärdeşleriňiz bilen çylşyrymly ýagdaýlar dörände hökman ylalaşyk gazanmalydygyny duýdurýarlar. Bu döwürde täze tanyşlyk açmak üçin guralýan duşuşyklardan gaça durmaň.
Seretan (leňňeç 22.06-22.07)
Ýyldyzlar seretanlara geljek hepdede syýahatçylyk meýilnamalarynyň üstünlikli amala aşjakdygyny wada berýärler. Ýyldyzlar size öýde oturmazlygy, az wagtlyk hem bolsa gezelenje çykmagy maslahat berýärler. Geljek hepdede karz serişde bermekden ýa-da almakdan saklanmak maslahat berilýär. Çagalara ünsli boluň. Olaryň özüni alyp barşyna, tertibine gözegçilik ediň.
Eset (ýolbars 23.07-23.08)
Bu döwürde göriplik edýänlerden ätiýaç ediň, gaýtawul bermäge taýýar boluň. Öz pikiriňizi makul hasap edýän bolsaňyz, onda ony beýan etmäge çekinmäň. Hat-da, dostuňyz garşylyk görkezse-de açyk aýdyň. Maliýe mümkinçiligiňiziň biraz peselmegi mümkin. Ýöne, siz ondan üstünlikli baş alyp çykarsyňyz. Ýyldyzlar ýalňyz esetlere bu döwürde täze tanyşlyklar, söýgi gatnaşyklary babatda şowlulygy wada bermeýärler. Gowusy maşgalaňyz bilen dynç alyň, göwnüňizi hoşlaň
Sünbüle (gyz 24.08-23.09)
Ýyldyzlar geljek hepdede sünbüleleriň özüne bolan ynamynyň pese düşjekdigini duýdurýarlar. Ony pugtalandyrmagyň wagty geldi. Munuň üçin dostlaryňyz bilen köpräk duşuşyň we käbir uly göwrümli işleri maslahatlaşyň. Eger-de mümkinçiligiňiz bolsa, täze tanyşlyklary açýan oturlyşyklary ýola goýuň. Maliýe tarapdan kän elpe-şelpelige ýol bermäň. Bu döwürde saglyk ýagdaýyňyza aýratyn üns bermegi ýatdan çykarmaň.
Mizan (terezi 24.09-23.10)
Hepdäniň dowamynda aýratyn-da, ikinji ýarymynda işewürlige degişli teklipler edilse, ondan ýüz öwürmäň. Dynç alyşlyk üçin oturlyşyklara, baýramçylyga, doglan günlere çakylyk gelmegi mümkin. Ýalňyz mizanlara söýgi teklipleri bolar. Käbir teklipler sizi geň galdyrar. Munuň üçin gaharlanmaň. Netijäni gowy seljerip, ondan soň jogap bermäge synanyşyň. Bu döwürde öz saglygyňyza aýratyn ünsli boluň.
Akrap (içýan 24.10-22.11)
Öňden dowam edip gelýän meseleleri geljek hepdede çözmäge çalşyň. Bu döwür öýde abatlaýyş işlerini geçirmek üçin hem oňaýlydyr. Gyzykly kitaplary köpräk okaň. Ýyldyzlar akraplara geljek hepdede kämilleşdiriş okuwlaryna gatnamagyň has peýdaly boljakdygyny duýdurýarlar. Agşamlaryna sport bilen köpräk meşgullanyň, tebigata, çagalar bilen seýilgählere gezelenje çykyň.
Kowus (keman 23.11-21.12)
Ownuk meselelere äsgermezçilik etmäň. Siziň geljekki üstünligiňiz şolara bagly bolar. Geljek hepdede ýyldyzlar kowuslara işde düşünişmezlikleriň döremezligi üçin kärdeşleri bilen azrak pikir alyşmagy maslahat berýärler. Geljek hepdede ýol hereketinde seresaplylygy elden bermäň, iş we maşgala babatdaky işleriňize ünsli boluň. Maşgala bolup tebigatda dynç almakdan gaça durmaň.
Jedi (owlak 22.12-20.01)
Geljek hepdede ýyldyzlar jedilere dynç almagy maslahat berýärler. Size nähilidir bir şowlulyk garaşýar, esasy zat ony wagtynda duýmagy başarmalysyňyz. Ýakynlaryňyz bilen düşünişmezligiň bolmagy mümkin. Eger-de hakykat siziň tarapyňyzda hem bolsa, geçirimli bolmaga, düşünişmäge çalşyň. Ähli işlere parasatly çemeleşseňiz rowaçlyk size ýar bolar.
Daluw (gowa 21.01-20.02)
Daluwlar üçin geljek hepde aýratyn şowly döwür bolar. Sowgatlary, ýagşy sözleri kabul etmäge taýýar boluň. Işde we maşgalada gyzykly, şowly pursatlar dörär. Bu döwür siziň üçin uly şertnamalary baglaşmagyň, ylalaşyklara gelmegiň, netije çykarmagyň wagty däl. Bedeniňiz, kalbyňyz üçin peýdaly çärelere üns beriň. Olary guramaga çalşyň. Eger köp wagtdan bäri dynç almagy arzuw edýän bolsaňyz, ony göwnüňizdäki ýaly amala aşyryn
Hut (balyk 21.02-20.03)
Geljek hepdede hutlar öň başa barmaz diýip pikir edýän işleriniň, maksadynyň rowaç tapýandygyna göz ýetirerler. Bu esasan iş meselesine degişlidir. Geljek hepdäniň ikinji ýarymy maliýe tarapdan girdejiňiziň köpelmegi mümkin. Olary özüňize däl-de ýakynlaryňyz üçin sarp ediň. Wagty gelende çykdajyny artygy bilen ödärsiňiz. Ýagşylyk ýagşy gylyk diýmekdir, ýagşylyk etseňiz ol hiç wagt ýerde galýan däldir.
