Golaýda “www.uff.uz” saýty tarapyndan Özbegistanyň “Kyzylkum” toparynyň baş tälimçisi Hamid Aktamow bilen ýörite söhbetdeşlik taýýarlanyldy. Onuň dowamynda ildeşimiz Artur Geworkýan hakynda giňişleýin gürrüň edildi:
Artur Geworkýanyň oýny hakynda nähili pikir aýdyp bilersiňiz. “Kyzylkumyň” esasy oýunçysy öz mümkinçiliklerinden pes çykyş etdimi?
-Artur tejribeli, öz işini bilýän ussat futbolçy. Ýene-de aýratyn bellemeli zat, geçen möwsümde ol biziň toparymyza gaty gowy ýardam berdi.
Türkmenistanly legioner bilen şertnamany uzaltmakçy bolýaňyzmy?
-Käbir şertlerimiz boýunça ylalaşyga gelip bilsek, elbetde uzaltmaçy.
Bu meselede onuň özi bilen gürleşdiňizmi?
-Hawa, nesip bolsa täze möwsümde Artur ýene-de “Kyzylkumyň” abraýyny gorar diýip umyt edýärin.
Umuman aýdylanda toparyňyzda çykyş edýän legionerleriňiz tamany ödedimi?
-Diňe Artur!
Galanlarynda ýalňyşdyk, diýip oýlanýaňyzmy?
-Hawa, şeýle diýseňem bolýar.
Merdan Baýadow,
sport synçysy.
