Gyrgyz Respublikasynyň Prezidenti Sadyr Žaparow Türkmenstanyň Prezidenti Serdar Berdimuhamedowyň çaklygy boýunça ertir Aşgabada iş saparyny amala aşyrar. Bu barada gyrgyz habar beriş serişdelerine salgylanyp, «Report» ýazýar.
Gyrgyz Lideri saparyň dowamynda Magtymguly Pyragynyň doglan gününiň 300 ýyllygy mynasybetli geçiriljek ««Döwürleriň we siwilizasiýalaryň özara arabaglanyşygy — parahatçylygyň we ösüşiň binýady» atly halkara foruma gatnaşar.
«Bu çärä Merkezi Aziýa döwletleriniň we beýleki ýurtlaryň döwlet Baştutanlarynyň gatnaşmagyna garaşylýar. Bu forum medeni-ynsanperwer hyzmatdaşlygy pugtalandyrmaga gönükdirilendir» diýlip, çeşmäniň habarynda bellenilýär.
