Türkmenistanyň wekiliýeti 12-16-njy awgust aralygynda Gyrgyzystanyň Çuý sebitinde geçirilýän Türki Döwletleriň Guramasyna agza ýurtlaryň Halkara meýletinçilik mekdebine gatnaşýar.
Türkmenistanyň Medeniýet ministrliginiň web saýtynda habar berilmegine görä, foruma Gazagystandan, Gyrgyzystandan, Azerbaýjandan, Türkmenistandan we Özbegistandan 100 töweregi adam gatnaşýar.
Forumyň dowamynda halkara hyzmatdaşlygy güýçlendirmek we meýletinçilikde öňdebaryjy tejribeleri paýlaşmak boýunça çäreler geçiriler.
Foruma gatnaşýanlar şu ugurlar boýunça pikir alşarlar:
• meýletinçilik guramalarynyň arasynda hyzmatdaşlygy ösdürmek;
• sosial, daşky gurşaw we ykdysady meseleleri çözmekde meýletinçiligiň ähmiýetine ünsi çekmek;
• işjeň raýat jemgyýetini döretmek we ýaşlary meýletin çärelere çekmek üçin şertleri döretmek.
