1-nji martda paýtagtymyzyň «Gül Zaman» toý mekanynda Ulag-kommunikasiýa pudagynda zähmet çekýän gelin-gyzlaryň gatnaşmagynda ýetip gelýän Halkara Zenanlar güni mynasybetli aýdym-sazly dabara geçirildi.
Halkara zenanlar güni döwlet derejesinde türkmen jemgyýetinde zenanlara uly sarpa we hormat goýulýandygyny alamatlandyrýar.
Ýurdumyzyň ulag-kommunikasiýa pudagynda zähmet çekýän gelin-gyzlar bu günki gün, Garaşsyz Watanymyzyň şan-şöhratyny dünýä ýaýmakda her bir iş gününi ýokary zähmet görkezijilerine beslemek hyjuwy bilen has-da tutanýerli zähmet çekýärler.
Baýramçylyk dabarasynda aýdym-sazlar, goşgular, wäşi artistleriň sahnalary, tans çykyşlary bu dabara özboluşly öwüşgin çaýdy.
