Türkmenistanyň Ministrler Kabinetiniň 7-nji dekabrda geçirilen mejlisinde habar berlişi ýaly, geçen ýylyň degişli döwri bilen deňeşdirilende, nebitiň gaz kondensaty bilen çykarylyşynyň ösüş depgini 105,8 göterime, buraw işleriniň ösüş depgini 126,9 göterime, maýa goýumlaryny özleşdirmegiň ösüş depgini 121,2 göterime barabar boldy.
Türkmen döwletiniň Baştutanyna tebigy we ugurdaş gazy çykarmak, uglewodorod çig malyny gaýtadan işlemek, awtoulag benzinini, dizel ýangyjyny, polipropileni, çalgy ýaglaryny, suwuklandyrylan gazy we beýleki nebithimiýa önümlerini öndürmekde gazanylan tehniki-ykdysady görkezijiler, edaralarda, kärhanalarda, guramalarda we ýaşaýyş toplumlarynda gaz hasaplaýjy enjamlary oturtmak boýunça alnyp barylýan işler barada-da hasabat berildi.