Türkmenistanyň futbol boýunça milli ýygyndy topary Dünýä çempionaty – 2026-nyň saýlama tagyryndaky ahyrky garşydaşyny bildi.
13 — 17-nji oktýabrda Dünýä çempionaty – 2026-nyň «Aziýa» zonasyndaky saýlama böleginiň birinji tapgyry geçirildi. Şol oýunda iki gol aratapawudy bilen Butany ýeňen Gonkong ikinji tapgyra geçdi. Oýun 4:2 hasabynda tamamlandy.
16-njy noýabrda başlanjak saýlama bölegiň ikinji tapgyrynda «E» toparçasynda çykyş etjek Gonkong Türkmenistanyň, Eýranyň hem-de Özbegistanyň milli ýygyndylary bilen duşuşar.
Türkmenistanyň futbol boýunça milli ýygyndy toparynyň Özbegistanyň garşysyna geçirjek birinji duşuşygynyň Watanymyzda guraljakdygyny ýatladýarys. Oýun 16-njy noýabrda geçer.
Toparçada birinji we ikinji orunlary eýelän ýygyndy toparlar nobatdaky saýlama raundda çykyş etmäge hukuk gazanar. 2026-njy ýylyň futbol boýunça dünýä çempionatyny ABŞ, Meksika hem-de Kanada kabul eder.
