Türkmenistanyň wekiliýeti Çehiýanyň Praga şäherinde geçirilen «Durnukyl ösüş we inklýuziw ykdysady ösüşi gazanmak arkaly ÝHHG-niň sebitinde howpsuzlygy we durnuklylygy üpjün etmek» atly halkara foruma gatnaşdy.
Bu foruma ÝHHG-e agza ýurtlaryň döwlet edaralarynyň hünärmenleri, hökümete degişli bolmadyk täjirçilik däl guramalaryň wekilleri we metbugat işgärleri gatnaşdylar. Forumyň esasy temalary şulardan ybarat boldy:
- ykdysady durnuklylygy ýokarlandyrmakda, dolandyryş ulgamyny ösdürmekde we ÝHHG-niň sebitindäki parahorlugyň öňüni almakda täze tehnologiýalaryň orny;
- durnukly we howanyň üýtgemegine çydamly ösüş, howanyň üýtgemegine garşy bilelikdäki göreş boýunça hyzmatdaşlygy artdyrmak;
- tebigy ýa-da adam täsiri bilen döreýän heläkçilikleriň öňüni almak we azaltmak, bu ugurda bilelikdäki hyzmatdaşlygy ösdürmekde betbagtçylyk töwekgelçiligini dolandyrmagyň ölçegleriniň ähmiýeti;
- durnukly ösüş, azyk howpsuzlygy, söwda we ulag-logistika.
Türkmen wekiliýetiniň agzalary forumyň çäginde degişli ugurlarda gazanylan Türkmenistanyň oňyn tejribesini daşary ýurtly kärdeşleri bilen paýlaşdylar.
