Türkmenistanyň futbol boýunça milli ýygyndysy Bahreýniň ýygyndysy bilen geçiren ýoldaşlyk duşuşygynda deňme-deň oýnady. Duşuşyk Dubaý şäherindäki Police Officers’ Club Stadium stadionynda geçirildi.
Duşuşyk 1:1 hasabyndaky deňlik bilen tamamlandy. 13-nji minutda Bahreýniň ýygyndysynyň ýarym goragçy Mohamed Marhun bilen geçiren goluna türkmen futbolçylary 29-njy minutda jogap berdiler. Türkmen ýygyndysynyň goluny Teýmur Çaryýew geçirdi.
Bu duşuşyk Mergen Orazowyň şägirtleriniň sentýabr aýyndaky ikinji ýoldaşlyk duşuşygydyr. 8-nji sentýabrda geçirilen duşuşykda olar Indoneziýanyň ýygyndysyndan 0:2 hasabynda asgyn geldiler.
Bu duşuşyklar türkmen ýygyndysy üçin Dünýä çempionaty — 2026-a taýýarlygyň möhüm tapgyrlarynyň biridir.
