16-njy sentýabrda Gökdepäniň Medeniýet köşgünde “Halypalaryň mekdebi halkyň ruhy mirasydyr” atly aýdym-sazly dabara geçirildi.
Halypa türkmen bagşy – sazandalary bolan Kel bagşa, Mylly Täçmyradowa, Sahy Jepbarowa bagyşlanan dabara Medeniýet ministrliginiň we Ahal welaýat häkimliginiň guramagynda geçirildi.
Dabarada halypalara bagyşlanyp ýazylan kitaplaryň, suratlaryň sergisi hem görkezildi. Gökdepe etrabynyň Mylly Täçmyradow adyndaky çagalar – sungat mekdebiniň bagşylar toparynyň ýerine ýetiren çykyşlary dabaranyň şowhunyny has-da artdyrdy. Halypalary ýatlap Türkmenistanyň halk artistleri Nurýagdy Baýramow, Akmyrat Çaryýew, Ýolaman Nurymow çykyş etdiler.