«Real» klubynyň metbugat gullugy fransiýaly hüjümçi Karim Benzemanyň tomusda topar bilen hoşlaşjakdygyny resmi ýagdaýda mälim etdi.
Sport neşirleriniň ýazmagyna görä, 35 ýaşly hüjümçiniň öz karýerasyny Saud Arabystanynyň «Al-Ittihad» toparynda dowam etdirmegi mümkin. Habarlarda «Al-Ittihadyň» fransiýaly hüjümçä umumy bahasy 200 million ýewrolyk 2 ýyllyk şertnama hödürländigi bellenilýär.
Ýeri gelende bellesek, Karim Benzema «Lionyň» futbol akademiýasynyň uçurymy bolup, 2009-njy ýylda «Realyň» düzümine goşulypdy. Ol şu wagtda çenli «Realyň» lybasynda 353 gol urdy hem-de 25 sany toparlaýyn kuboga mynasyp boldy. 2022-nji ýylda bolsa ol futbolçylaryň arasyndaky iň abraýly şahsy baýrak bolan «Altyn topa» hem eýe çykdy.
Karim Benzema şu möwsümde «Realyň» düzüminde 42 oýunda meýdança çykyp, 32 gezek tapawutlanmagy başardy.