Aşgabadyň «Altyn asyr» toparynyň futbolçylary BAE-de ýerli «Al-Arabi» topary bilen ýoldaşlyk duşuşygyny geçirdiler.
Umm-el-Kaýwaýn şäherinde geçirilen duşuşyk 1:1 hasabyndaky deňlik bilen tamamlandy.
«Al-Arabi» şu şähere wekilçilik edýän topardyr. Topar BAE-niň futbol ligasynyň birinji dwizionynda ýaryşýar.
«Altyn asyryň» Birleşen Arap Emirliklerindäki okuw-türgenleşik ýygnanyşygy 31-nji martda tamamlanar.
«Altyn asyr» futbol toparynyň 2022-nji ýylda Türkmenistanyň Naýbaşy kubogyna mynasyp bolup, milli çempionaty ikinji orunda tamamlandygyny ýatladýarys. Türkmenistanyň wise-çempiony şu ýyl AFK-nyň kubogyna gatnaşar.
