«Ahal» futbol topary okuw-türgenleşik ýygnanyşygyny geçmek üçin Birleşen Arap Emirliklerine bardy.
SR9 Event Management tarapyndan berilýän habara görä, türkmen toparynyň tälimçilerini, futbolçylaryny we beýleki agzalaryny alan uçar Dubaý şäherine üstünlikli gondy.
Topar Ajman şäherindäki «Bahi Ajman Palace» myhmanhanasynda ýerleşdi. «Ahalyň» BAE-däki türgenleşikleri iki hepde dowam eder.
«Ahalyň» geçen ýyl taryhynda ilkinji gezek Türkmenistanyň çempiony bolandygyny ýatladýarys. «Türkmennebitönümleri» baş müdirliginiň hemaýatkärligindäki topar şu ýyl ýene-de AFK-nyň Çempionlar ligasyna gatnaşar.
