Türkmenistanly futbolçy Süleýman Muhadow «Hujandyň» düzüminde Özbegistanda geçiriljek okuw-türgenleşik ýygnanyşygyna gatnaşar. Bu barada täjik topary jemgyýetçilik torlaryndaky hasaby arkaly habar berdi.
Täjik topary Özbegistandaky türgenleşikleriniň çäginde ýoldaşlyk duşuşyklarynyň hem birnäçesini geçirer. Şolaryň ilkinjisi 22-nji fewral güni AGMK bilen bolar.
2019-njy ýylda karýerasyna 4 ýyllyk arakesme beren Süleýman Muhadowyň ýakynda «Hujand» bilen şertnama baglaşandygyny ýatladýarys.
«Hujand» adybir şäherde 1976-njy ýylda döredildi. 1992-nji ýyldan bäri çempionatda yzygiderli çykyş edip gelýän topar taryhynda bäş gezek ýurduň Kubogyna mynasyp boldy.
