«Gyrgyz Ekspress Poçtasy» (Kyrgyz Express Post) poçta aragatnaşygy operatory «Durnukly dag ösüşiniň halkara ýyly» markasyny ulanyşa goýberdi diýip, «MIR 24» ýazýar.
Habarda poçta markasynyň özboluşlylygynyň onuň uzynlygynyň 184 millimetre deňdigi bilen düşündirilýär, ýagny bu dünýäde iň uzyn markadyr.
Markada Çaar-Taş dag gerşi, Toguz-Toro diýen ýer we Kazarman obasy şekillendirilipdir. Markanyň kuponynda Beş-Taş jülgesi, adybir köl, Týuktor dag gerşi we Itagar geçelgesi ýerleşdirilipdir. Täze markanyň bahasy 250 som.
