Dürli ýurtlaryň däp bolan naharlary boýunça ýolgörkeziji «TasteAtlas» gastronomiki kitapça dünýäde iň şowsuz tagamlaryň 100-lüginiň sanawyny resmi saýtynda çap etdi.
Olaryň arasynda däp bolup gelýän ýakut aşhanasynyň balykly işdäaçary dünýäde iň ýaramaz tagam diýlip bellendi, ol iň pes baha (5-den 1,4 ) mynasyp boldy. Işdäaçaryň düzümine doň balyk, sogan, günebakar ýagy, duz we burç girýär. Bu sanawa şeýle-de kisel, çalçorba (okroşka), mimoza we dürli görnüşli şüleler girdi diýip, «Gazeta.ru» ýazýar.
Öň russiýaly lukman Ilin oliwýeniň saglyk üçin iň zyýanly işdäaçardygyny habar beripdi. Onuň sözlerine görä, onda bir-birine düýbünden gabat gelmeýän önümler bar, bu bolsa organizmiň özleşdirmegi üçin kynçylyk döredýär.