Balkan welaýatynyň Magtymguly etrabynda ýerleşýän Tikin we aýakgap fabrikler toplumynda ýanwar aýynda pul hasabynda bitirilen işler 1,5 million manatlyga golaýlady.
«Türkmenistan» gazetinde berilýän habara görä, şu ýylyň ýanwar aýynda, geçen ýylyň degişli döwri bilen deňeşdirilende, aýakgap jübütleriniň, şeýle hem örme we tikin önümleriniň taýýarlanylyşynyň pul möçberindäki ösüş depgini 135 göterime barabar ýokarlanypdyr.
Şu döwürde toplumyň aýakgap fabriginde taýýarlanylan ýokary hilli aýakgap jübütleriniň sany 3 müňe ýetdi. Tikin fabriginiň gelin-gyzlary bolsa dürli biçüwli, ýaraşykly örme we tikin önümleriniň jemi 29 müň 540 sanysyny taýýarladylar.
Ýeri gelende aýtsak, bu görkezijiler, geçen ýylyň ýanwar aýyndaka garanyňda, toplumda 1 müň sany aýakgap jübütleriniň, 16 müň 183 örme we tikin önümleriniň artyk öndürilendigini görkezýär.