Düýn Ýewropada gyşky transfer möwsümi ýapyldy. Bu gezekki gyşky transfer möwsüminde iňlis klublary adatdan daşary işjeňlik görkezdiler. Has takygy, APL-yň wekilleri gyşky transfer möwsüminde 1 milliard dollardan pul sowup, şonuň 37%-i «Çelsi» toparynyň paýyna düşýär. Şunlukda, APL çempionatlaryň arasynda, «Çelsi» bolsa klublaryň arasynda gyşky transfer möwsüminde sowlan puluň möçberi boýunça rekord goýdy. Aşakda size gyşky transfer möwsüminň soňky gününde amala aşyrylan iň esasy transferleriň ýediligini hödürleýäris:
- Enso Fernandes (Argentina, 22 ýaş) — «Benfikadan» «Çelsä» (121 million ýewro);
- Žoau Kanselu (Portugaliýa, 28 ýaş) — «Mançester Sitiden» «Bawariýa» (kärendesine);
- Žoržinýo (Italiýa, 31 ýaş) — «Çelsiden» «Arsenala» (kärendesine);
- Marsel Zabitser (Awstriýa, 28 ýaş) — «Bawariýadan» «Mançester Ýunaýtede» (kärendesine);
- Keýlor Nawas (Kosta-Rika, 36 ýaş) — «PSŽ-den» «Nottingem Foreste» (kärendesine);
- Pedro Porro (Ispaniýa, 23 ýaş) — «Sportingden» «Tottenheme» (kärendesine);
- Ektor Bellerin (Ispaniýa, 27 ýaş) — «Barselonadan» «Sportinge» (kärendesine).
